Россиянинг "Зенит" клуби бош мураббийи Сергей Семак Европа Лигаси 1/16 финал жавоб учрашуви доирасида «Бетис» жамоасига қарши бўлиб ўтган ўйиндан кейинги фикрлари билан ўртоқлашди.
"Бу футбол. Ўйлайманки, бугун йигитлар ғалаба учун бор кучларини ишга солишди, гол киритишга ҳаракат қилишди ва тажовузкор ўйин намойиш этишга интилишди. Бироқ, афсуски, ғалаба қозониш учун гол киритиш керак. Бизда гол киритиш учун вазиятлар бўлди... Афсуски, киритган голимизни ҳисобга олишмади... Биз янада мақбул натижани қўлга киритишимиз мумкин эди.
Жамоанинг кўрсатган ўйинига ҳеч қандай эътирозим йўқ. Бироқ, бугун "Бетис" кейинги босқичга йўл олдими, демак, улар биздан кучли экан" - деди Семак.
