Rossiyaning "Zenit" klubi bosh murabbiyi Sergey Semak Yevropa Ligasi 1/16 final javob uchrashuvi doirasida «Betis» jamoasiga qarshi bo‘lib o‘tgan o‘yindan keyingi fikrlari bilan o‘rtoqlashdi.
"Bu futbol. O‘ylaymanki, bugun yigitlar g‘alaba uchun bor kuchlarini ishga solishdi, gol kiritishga harakat qilishdi va tajovuzkor o‘yin namoyish etishga intilishdi. Biroq, afsuski, g‘alaba qozonish uchun gol kiritish kerak. Bizda gol kiritish uchun vaziyatlar bo‘ldi... Afsuski, kiritgan golimizni hisobga olishmadi... Biz yanada maqbul natijani qo‘lga kiritishimiz mumkin edi.
Jamoaning ko‘rsatgan o‘yiniga hech qanday e’tirozim yo‘q. Biroq, bugun "Betis" keyingi bosqichga yo‘l oldimi, demak, ular bizdan kuchli ekan" - dedi Semak.
