Каталониянинг "Барселона" клуби бош мураббийи Хави Европа Лигасининг 1/16 финал босқичи жавоб учрашуви доирасида "Наполи" жамоасига қарши бўлиб ўтган ўйиндан кейинги фикрларини билдирди.
“Бу бизнинг мавсумдаги энг кучли ўйинимиз бўлса керак. Биз устунлик қилишни хоҳладик ва буни уддаладик.
Футболчиларнинг меҳнатсеварлиги ва кўрсатган ўйинидан мамнунман. Натижа адолатли бўлди. Футболчилар учун жуда хурсандман. Биз тўғри йўлдамиз.
Биз юқори прессинг уюштирдик. «Наполи» ҳам ортда бўш жой қолдириб, юқори прессинг қилди. Бурчак тўпидан сўнг намунали қарши ҳужумни амалга ошира олдик. Жамоадан жуда хурсандман”, - дейди Хави.
