«Лидс» февраль ойидаги Премьер-лига ўйинларида ўз дарвозасидан 20 та гол ўтказиб юборди.
1986 йилдан бери Премьер-лиганинг ҳеч бир жамоаси бир ой ичида бунчалик кўп гол ўтказиб юбормаган. Ўшанда йилнинг апрель ойида рақиблар «Ньюкасл» дарвозасига 21 та гол уришган.
Февраль ойида «Лидс» «Эвертон» (0:3), «Манчестер Юнайтед» (2:4), «Ливерпуль» (0:6) ва «Тоттенхэм» (0:4)дан мағлуб бўлган, шунингдек «Астон Вилла» билан дуранг ўйнаган (3:3).
Марсело Бьелса шогирдлари ҳозирда Премьер-лиганинг 26-туридан кейин 23 очко билан 15-ўринда бормоқда.
