Хави ёзда «Барселона» билан шартнома имзолаган футболчилардан ҳайратда қолганини яширмади.
«Янги трансферларсиз қийин бўларди, бу аниқ. Обамеянгнинг гол уриш қобилияти мени ажаблантирмади. Аммо унинг камтарлиги, жамоа манфаати учун ҳаракат қилиши, унинг прессинги, ғалаба қозониш истаги - бу борада мени катта ҳайратда қолдирди.
Адама Траоре қабул қилаётган қарорлари билан мени ҳайрон қолдирмоқда, у янада етук футболчига айланди.
Ферран Торрес эса менга бошқача, ажойиб савиядаги футболчидек туюлади. Унинг бўш худудга очилиши ва тўпни йўқотмаслик қобилияти жаҳон даражасида. У ажойиб футболчи”, - деди «Барселона» бош мураббийи.
