«Барселона» айни дамда «Милан» ярим ҳимоячиси Франк Кессье билан музокаралар олиб бормоқда, деб хабар беради Sport.es.

Манбага кўра, ивуарлик футболчи Италия клуби билан шартномани узайтириш ниятида эмас ва ўзига бошқа клуб изламоқда. У «Милан» таклиф қилган бир мавсум учун беш миллион евро маошга рози бўлмади.

25 ёшли Кессьенинг Италия клуби билан амалдаги шартномаси 2022 йилнинг 30 июнига қадар тузилган. Трансфермаркт портали футболчининг нархини 48 миллион еврога баҳоламоқда.

2021/22 йилги мавсумда у «Милан» сафида барча турнирларда 26 та ўйинда майдонга тушиб, 6 та гол ва битта голли узатмани амалга оширди.