Хабарингиз бор, эртага "Ўзбекистон" ўйингоҳида Coca-Cola Суперлиганинг 1-туридан ўрин олган "Нефтчи" - "Қўқон-1912" учрашуви бўлиб ўтади. Мазкур ўйин олдидан турли кўнгилочар тадбирлар ташкил этилиши белгиланган.
Мавсумнинг расмий очилиш маросимида Фарғона вилояти ҳокими Хайрулло Бозоров ҳамда бошқа турли мутасадди ташкилотлар вакиллари қатнашишлари режалаштирилган. Шунингдек, футбол мухлисларига кўтаринки кайфият улашиш мақсадида таниқли эстрада хонандалари иштирокида махсус концерт дастури ҳам намойиш этилади.
Эртанги ўйин олдидан томошабинларни соат 16:00дан бошлаб "Ўзбекистон" ўйингоҳига киришларига рухсат берилади.
