«Ливерпуль» бош мураббийи Юрген Клопп жамоаси бир мавсумда тўртта соврин юта оладими, деган саволга жавоб берди. Аввалроқ мерсисайдликлар Англия лига кубоги финалда «Челси»ни мағлуб этиб, кубогини қўлга киритган эди.
«Биз Лига кубоги финалида ажойиб концентрацияни кўрсатдик. Мавсум охиригача давом эта оламизми, билмайман. Биз «Манчестер Сити»дан ортда қолдик ва олдинда Англия кубогида «Норвич»га қарши муҳим ўйин кутиб турибди. «Ливерпуль» бир мавсумда тўртта соврин ютиш имкониятига эга. Бироқ журналистлар ҳисоб-китоб қилишади, биз эса майдонга тушамиз», - дея Клопп сўзларини келтирмоқда ВВС.
Эслатиб ўтамиз, «Ливерпуль» Англия чемпионатида иккинчи ўринда ва пешқадам «Манчестер Сити»ни олти очкога ортда қолдираётган бўлса-да, уларда бир захира ўйини бор. Чемпионлар лигасида мерсисайдликлар 1/8 финалнинг биринчи ўйинида «Интер»ни 2:0 ҳисобида мағлуб этишди.