Халқаро профессионал футболчилар ассоциациялари федерацияси (FIFPro) РПЛнинг барча легионерларига ўз клубларини тарк этиш ҳуқуқини бериш таклифи билан ФИФАга мурожаат қилди.

Қайд этилишича, ушбу ташаббусга кўра, Россия жамоаларининг хорижлик футболчилари ҳеч қандай оқибатларсиз келишувларни бекор қилишлари мумкин. Айни пайтда Россияда 200 га яқин хорижлик футболчилар ўйнайди, улардан 133 нафари Премьер-лигада.

«Биз ФИФА буни амалга оширига чақирдик. Ушбу чора имкон қадар тезроқ амалга оширилиши керак. Бизга зиддиятнинг кучайиши футболчиларга клубга товон тўламасдан шартномани бекор қилиш имкониятини бериш учун асос бўлиб кўринади. Ҳозирда ФИФА билан бу ҳақда гаплашяпмиз.

Икки йил аввал ФИФА коронавирус туфайли трансфер қоидаларини вақтинча ўзгартирди. ФИФА раҳбарлари фавқулодда вазиятларда қоидаларни ўзгартириши мумкин, бу ўша пайтда исботланган. Вазият ўта хавотирли экан, биз ўйинчиларга мамлакатни тарк этиш эркинлиги берилиши керак, деб ҳисоблаймиз», деди FIFPro бошқарув кенгаши аъзоси Луис Эверард.