Xalqaro professional futbolchilar assosiasiyalari federasiyasi (FIFPro) RPLning barcha legionerlariga o‘z klublarini tark etish huquqini berish taklifi bilan FIFAga murojaat qildi.
Qayd etilishicha, ushbu tashabbusga ko‘ra, Rossiya jamoalarining xorijlik futbolchilari hech qanday oqibatlarsiz kelishuvlarni bekor qilishlari mumkin. Ayni paytda Rossiyada 200 ga yaqin xorijlik futbolchilar o‘ynaydi, ulardan 133 nafari Premyer-ligada.
«Biz FIFA buni amalga oshiriga chaqirdik. Ushbu chora imkon qadar tezroq amalga oshirilishi kerak. Bizga ziddiyatning kuchayishi futbolchilarga klubga tovon to‘lamasdan shartnomani bekor qilish imkoniyatini berish uchun asos bo‘lib ko‘rinadi. Hozirda FIFA bilan bu haqda gaplashyapmiz.
Ikki yil avval FIFA koronavirus tufayli transfer qoidalarini vaqtincha o‘zgartirdi. FIFA rahbarlari favqulodda vaziyatlarda qoidalarni o‘zgartirishi mumkin, bu o‘sha paytda isbotlangan. Vaziyat o‘ta xavotirli ekan, biz o‘yinchilarga mamlakatni tark etish erkinligi berilishi kerak, deb hisoblaymiz», dedi FIFPro boshqaruv kengashi a’zosi Luis Everard.
