Афсонавий дарвозабон Жанлуижи Буффон катта футболдаги фаолиятини давом эттирмоқда. У куни кеча «Парма» билан шартномасини узайтирди. Айни пайтда 44 ёшли дарвозабонни «Барселона» ўз сафида кўришни хоҳлаган. Бу ҳақда дарвозабоннинг агенти Сильвано Мартина айтиб ўтди.

- Шартномани узайтириш таклифи «Парма»дан чиқди, Буффон 44 ёшда бўлгани билан ўзини 34 ёшда ҳис қилмоқда. У «Ювентус»да қолиши мумкин эди, қолаверса, «Барселона» ҳам таклиф қилганди. Бироқ, Буффон "Парма"га ўтишни афзал кўрди", - агентнинг сўзларидан иқтибос келтирмоқда Radio Sportivo.

1995 йилда профессионал фаолиятини бошланган ва ўзининг узоқ муддатли фаолияти давомида у Италияда фақат "Парма" ва "Ювентус" клубларида ўйнаган.