«Ливерпуль» бош мураббийи Юрген Клопп келажакдаги клубда қолиши нима билан боғлиқлигини айтди.
Немис мутахассисининг «қизиллар» билан шартномаси 2024 йилнинг ёзига қадар мўлжалланган, Клоппнинг ўзи эса келажаги борасида ҳали бир қарорга келмаган.
“Энг муҳими - энергия. Бу менинг қароримга боғлиқ бўлади. Мен ўз ишимни яхши кўраман, лекин аввал айтганимдек, ҳаётда футболдан ҳам муҳимроқ нарсалар бор. Ростини айтсам, мен ҳозир келажак ҳақида ўйламайман. Балки якунда янги шартнома имзолайман. Кўрамиз, - деди Клопп The Guardian нашрига.
Жорий мавсумда «Ливерпуль» «Манчестер Сити» билан АПЛда чемпионлик учун курашмоқда. Яқинда Клопп бошчилигидаги жамоа Лига кубогини қўлга киритди.