Германиянинг «РБ Лейпциг» клуби ёзда Кристофер Нкункага даъвогарлар бўлса, унинг учун камида 75 миллион еврога сотади.
24 ёшли ярим ҳимоячига Англиянинг «Манчестер Юнайтед», Италиянинг «Ювентус» ва Франциянинг «ПСЖ» клублари қизиқиш билдирмоқда. Бироқ, катта нарх потенциал харидорларнинг фикрини ўзгартириши мумкин. Bild нашри хабарига кўра, «Лейпциг» футболчини 75 миллион евродан камига сотмайди.
Нкункунинг клуб билан шартномаси 2024 йилнинг июнь ойи охиригача амал қилади. Франциялик ҳужумкор ярим ҳимоячи жорий мавсумда барча мусобақаларда 37 та ўйинда майдонга тушиб, 25 та гол ва 13 та голли узатмани амалга оширди.
