Англиянинг "Ливерпуль" клуби собиқ футболчиси Жон Барнс Криштиану Роналду ёзда «Манчестер Сити»ни танлаганида кўпроқ гол уриши мумкинлигини айтиб ўтди.

Португалиялик ҳужумчи бугун «Манчестер Юнайтед» сафида АПЛнинг 28-туридан ўрин олган «шаҳарликлар»га қарши ўйинда майдонга туша олмайди.

«Унинг 37 ёшли футболчи учун ажойиб статистикаси бор, лекин менимча, агар у «Манчестер Сити»га ўтганида у аллақачон 25 та гол урган бўларди. У ерда яхши ўйинчилар кўп, шу сабабли, унинг ишини анча осонлаштирарди.

"Сити"да хавфли вазиятларга олиб чиқиш учун зарур техника ва қарашларга эга футболчилар бўлса, бу фазилатлар "МЮ"нинг баъзи футболчиларида йўқ.

Бундан ташқари, Роналдуда 4-5 йил олдингига нисбатан чидамлилик ва тезлик етарли даражада эмас, деган фикр ҳам бор.

Менимча, «Манчестер Юнайтед» жамоасига футболчилар унга ўзи ўрганиб қолгандек ёрдам бера олишмаётганидан португалиялик футболчининг жаҳли чиқмоқда», - деди «Ливерпул»нинг собиқ ярим ҳимоячиси.

Англия чемпионатининг жорий мавсумида Роналду 23 турда 9 та гол урди.