Angliyaning "Liverpul" klubi sobiq futbolchisi Jon Barns Krishtianu Ronaldu yozda «Manchester Siti»ni tanlaganida ko‘proq gol urishi mumkinligini aytib o‘tdi.

Portugaliyalik hujumchi bugun «Manchester Yunayted» safida APLning 28-turidan o‘rin olgan «shaharliklar»ga qarshi o‘yinda maydonga tusha olmaydi.

«Uning 37 yoshli futbolchi uchun ajoyib statistikasi bor, lekin menimcha, agar u «Manchester Siti»ga o‘tganida u allaqachon 25 ta gol urgan bo‘lardi. U yerda yaxshi o‘yinchilar ko‘p, shu sababli, uning ishini ancha osonlashtirardi.

"Siti"da xavfli vaziyatlarga olib chiqish uchun zarur texnika va qarashlarga ega futbolchilar bo‘lsa, bu fazilatlar "MYU"ning ba’zi futbolchilarida yo‘q.

Bundan tashqari, Ronalduda 4-5 yil oldingiga nisbatan chidamlilik va tezlik yetarli darajada emas, degan fikr ham bor.

Menimcha, «Manchester Yunayted» jamoasiga futbolchilar unga o‘zi o‘rganib qolgandek yordam bera olishmayotganidan portugaliyalik futbolchining jahli chiqmoqda», - dedi «Liverpul»ning sobiq yarim himoyachisi.

Angliya chempionatining joriy mavsumida Ronaldu 23 turda 9 ta gol urdi.