O‘zbekiston milliy jamoasi bosh murabbiyi Fabio Kannavaro «Markaziy sektor» loyihasida Davron Fayziyevga intervyu berib, «Dinamo» hujumchisi Azizbek Amonovni tarkibga jalb etgani haqida iliq fikr bildirdi.

«Biz yig‘indagi futbolchilarning uch hafta davomida o‘zlarini qanday ko‘rsatishganini tahlil qildik. Ular mashg‘ulotlarda qanday ishtirok etishdi va bizga o‘zlarini qanday ko‘rsata olishdi. Misol uchun, biz Jasurbek haqida, Aziz haqida gaplashdik. U bor-yo‘g‘i birinchi marta milliy jamoa safiga qo‘shildi (Kanavvaro qo‘l ostida – mual.). Uch hafta davomida biz bilan ishladi va men hayron qoldim. To‘g‘ri, men uni chempionat doirasidagi o‘yinlarda ko‘rgandim, lekin futbolchining klubida ko‘rsatayotgan o‘yini va terma jamoadagi o‘yinchilar bilan ko‘rsatayotgan o‘yini orasida tafovut katta. Biz bu ko‘rsatkichlardan kelib chiqib, so‘nggi kunda qaror qabul qildik», - dedi Fabio Kannavaro suhbatda.