Ўзбекистон миллий жамоаси бош мураббийи Фабио Каннаваро «Марказий сектор» лойиҳасида Даврон Файзиевга интервью бериб, «Динамо» ҳужумчиси Азизбек Амоновни таркибга жалб этгани ҳақида илиқ фикр билдирди.

«Биз йиғиндаги футболчиларнинг уч ҳафта давомида ўзларини қандай кўрсатишганини таҳлил қилдик. Улар машғулотларда қандай иштирок этишди ва бизга ўзларини қандай кўрсата олишди. Мисол учун, биз Жасурбек ҳақида, Азиз ҳақида гаплашдик. У бор-йўғи биринчи марта миллий жамоа сафига қўшилди (Канавваро қўл остида – муал.). Уч ҳафта давомида биз билан ишлади ва мен ҳайрон қолдим. Тўғри, мен уни чемпионат доирасидаги ўйинларда кўргандим, лекин футболчининг клубида кўрсатаётган ўйини ва терма жамоадаги ўйинчилар билан кўрсатаётган ўйини орасида тафовут катта. Биз бу кўрсаткичлардан келиб чиқиб, сўнгги кунда қарор қабул қилдик», - деди Фабио Каннаваро суҳбатда.