«Барселона» Испания Ла Лигасининг 27-тури доирасида сафрда «Эльче» билан ўйнамоқда. Учрашувнинг 44-дақиқасида мезбонлар Педрининг хатосидан унумли фойдаланиб, Марк-Андре тер Штегенни дарвозанинг узоқ бурчагига аниқ зарба йўллаб, ҳисобни очди. Гол муаллифи — Фидель Чавес. Бу гол «Эльче»нинг 1978 йил 1 январидан бери ўз майдонида «Барселона» дарвозасига киритган биринчи голи бўлди. Ўша баҳсда «Барса» меҳмонда 3:1 ҳисобида ғалаба қозонган эди.
Ўшандан бери жамоалар яна ўн бир марта тўқнаш келишди ва «Эльче» фақат «Барселона» майдонида гол урди.