«Barselona» Ispaniya La Ligasining 27-turi doirasida safrda «Elche» bilan o‘ynamoqda. Uchrashuvning 44-daqiqasida mezbonlar Pedrining xatosidan unumli foydalanib, Mark-Andre ter Shtegenni darvozaning uzoq burchagiga aniq zarba yo‘llab, hisobni ochdi. Gol muallifi — Fidel Chaves. Bu gol «Elche»ning 1978 yil 1 yanvaridan beri o‘z maydonida «Barselona» darvozasiga kiritgan birinchi goli bo‘ldi. O‘sha bahsda «Barsa» mehmonda 3:1 hisobida g‘alaba qozongan edi.
O‘shandan beri jamoalar yana o‘n bir marta to‘qnash kelishdi va «Elche» faqat «Barselona» maydonida gol urdi.
