Франция терма жамоасининг собиқ футболчиси Кристиан Карамбе бўлажак «Реал» – «ПСЖ» учрашуви ҳақида ўз фикрлари билан ўртоқлашди. Учрашув Чемпионлар лигасининг 1/8 финали доирасида 9 март куни бўлиб ўтади.

Эслатиб ўтамиз, Франция ва Испания клублари ўртасидаги учрашувнинг биринчи ўйинида «ПСЖ» «Реал»ни 1:0 ҳисобида мағлуб этган.

«Ўйлайманки, «ПСЖ» жавоб ўйинида ҳам фаворит бўлади. «Реал Мадрид» биринчи ўйинда омадсизликка учради ва ўта ишончсиз ўйин кўрсатди. Шу билан бирга айтишим мумкинки, бу ўйинда ҳамма нарса бўлиши мумкин», - деди Карамбе.