«Манчестер Сити» бош мураббийи Хосеп Гвардиола «Спортинг»га қарши Чемпионлар лигаси 1/8 финал жавоб учрашуви олдидан ўз фикрларини билдирди.
«Биз бутун жамоа ҳимоя ва ҳужумда иштирок этишини истаймиз. Нега сўнгги ўйинда Кевин де Брюйне "Манчестер Юнайтед" дарвозасига иккита гол урди? Чунки у ўша ерда эди. Португалияда биринчи голни урганимизда нима учун Кевин Риёд Маҳрездан ўтиб кетди? Чунки у ўша ерда эди, гол уриш учун керакли жойда бўлишингиз керак.
Биринчи ўйиндан сўнг мен 5:0 ҳисобидаги натижа ҳақиқатни ёки жамоалар ўртасидаги фарқни акс эттирмаслигини айтдим. Биз шунчаки тезда гол уришга муваффақ бўлдик. Биз тўртта зарба бердик ва тўртта гол урдик. Бу баъзида содир бўлади. Натижа шундай бўлганда, ҳамма нарса жуда оддий кўринади. Лекин мен «Спортинг»ни ва улар қилаётган ишларини жуда ҳурмат қиламан”, — деди Гвардиола УЕФА расмий сайтига.
