Лондоннинг "Челси" клубининг собиқ бош мураббийи, италиялик мутахассис, эртага бўлиб ўтадиган "Челси" ҳамда "Барселона" жамоалари ўйинидан олдин иккала клубнинг имкониятлари ҳақида ўз фикрлари билан ўртоқлашди.
"Челси" "Барселона"нинг қандай кучга эга эканлигини билади ва уларга ҳурмат кўзи билан қарайди. Қўрқув? - Йўқ "Челси" "Барса"дан қўрқмайди", дейди Раньери.
"Бизни жуда қизиқарли ва қизиқарли учрашув кутиб турибди. Илгари улар ўртасидаги баҳсларда кучлар деярли тенг келганди. Сўнгги ўзаро учрашувда Иньестанинг ўйин охиридаги голи масалани ҳал қилган эди. Бу сафар ундай бўлади деб ўйламайман."
"Фақат Мессини "қуролсизлантириш" билангина иш битмайди. Сабаби, Месси - "Барселона" дегани эмас. Уларнинг таркибида ҳар бир чизиқда жаҳоннинг энг яхши футболчилари тўп суришмоқда. "Чесли" каталонияликларнинг ҳужумдаги босимига дош бериши керак.
"Челси"нинг ушбу ўйинга қандай тактика танлаши қизиқ. Албатта "Барселона" тўпга эгалик қилади. Шунинг учун ҳам "Челси" тўпга эгалик қилишга уринмасдан қарши ҳужумлардан фойдаланса тўғрироқ бўлади",-дейди Раньери УЕА расмий сайтига берган интервьюсида
