“Ювентус” А сериянинг сўнгги турида “Специя” устидан минимал ҳисобда ғалаба қозонганидан сўнг, Италия терма жамоасининг собиқ ҳужумчиси Антонио Кассано “Ювентус” устози Массимилиано Аллегрининг тақдири ҳақида гапирди.
“Агар Аллегри "Вильярреал"дан тўсиғидан ўта олмаса, Турин клубидан кетиши мумкин", - дейди Кассано Bobo TV нашрига.
Кассано, шунингдек, агар "Аталанта"нинг кўп муаммолари бўлмаганида, "Ювентус" умуман Чемпионлар лигасига кира олмаган бўларди, дея қўшимча қилди.
Чемпионлар лигаси 1/8 финалининг илк ўйинида “Ювентус” Испания клуби билан 1:1 ҳисобида дуранг ўйнади.