“Бунёдкор” ва “Гамба Осака” жамоалари ўртасидаги учрашув олдидан расмий шахслар йиғилиши бўлиб ўтди. Бу ҳақда клуб расмий сайти хабар тарқатмоқда.
Менежерлар йиғилишида эртанги баҳсда жамоаларнинг қандай рангли либосларда ўйнашларига ойдинлик киритиб олинди. Унга кўра, “Бунёдкор” – оқ, “Гамба Осака” – кўк рангли либосларда ўйнайдиган бўлишди.
Эслатиб ўтамиз, “Бунёдкор” – “Гамба Осака” учрашуви 18 апрель, чоршанба куни “Жар” стадионида соат 17:00да бошланади.
Учрашув “Спорт” телеканали орқали тўғридан-тўғри эфирга узатилади. Шунингдек, клуб расмий сайти ўйиндан матнли он-лайн трансляция ҳам олиб боради.