ЕЧЛ ярим финали дастлабки учрашувидан кейин, лондонликлар сардори Жон Терри жамоа расмий сайтига интвервью берди ва жавоб ўйинидан олдин, иккала жамоа имкониятлари ҳақида фикр юритди.
"Биз кечаги ўйинимиздан жуда ҳурсандмиз. Сабаби, "Челси" ажойиб матонат кўрсатди. Ўйиннинг дастлабки 15 дақиқасида биз умуман тўпсиз ўйнадик. Аммо чидадик ва вазиятни кутдик.
"Бутун жамоа яхши ўйнади. Майдоннинг ҳўл ёки бироз сирпанчиқ эканлиги ўйинга ўз таъсирини кўрсатди деб ўйламайман. Чунки иккала жамоа ҳам бир хил шароитда эди.
"Жавоб ўйинида биз учун жуда қийин бўлиши аниқ. "Камп Ноу"нинг майдони бироз катта ва бу каталонияликларнинг устунлиги. Катта майдонда "Барса" кўпроқ имкониятларга эга бўлади.
"Биз "Барса"ни ҳурмат қиламиз. Аммо улардан қўрқмаймиз", дейди "Челси" сардори, клуб расмий сайтига берган интервьюсида.
