"Манчестер Сити" ярим ҳимоячиси Илкай Гюндоган ёзги трансфер ойнасида "Барселона"га ўтиши мумкин, дея хабар берди Sport нашри.
Маълумотларга кўра, каталонияликлар агар ёзда "Милан"дан Франк Кессье билан шартнома имзолай олмаса, Гюндоган билан алоқага чиқади. Хавига германиялик футболчининг ўйини ёқади.
Қайд этиш жоиз, 31 ёшли немис ва "Ман Сити" ўртасидаги амалдаги шартнома 2023 йилгача мўлжалланган. Transfermarkt портали уни 35 миллион еврога баҳолаган.