«РБ Зальцбург» ҳужумчиси Ноа Окафор Дортмунднинг «Боруссия» клуби нишонига тушди, деб хабар беради Sport1.

Швейцариялик ёш футболчи жорий мавсумда Австрия Бундеслигасида «Зальцбург» сафида 15 та ўйинда майдонга тушиб, 7 та гол урди ва 5 та голли узатмани амалга оширди.

Хабар қилинишича, ҳужумчининг нархи 25 миллион евро атрофида бўлади.

Окафор ҳам марказий ҳужумчи, ҳам вингер сифатида ўйнай олади, бу эса уни кўп қиррали ҳужумкор футболчи эканлигини билдиради.

Қайд этилишича, футболчига «Байер», «Интер» ва «РБ Лейпциг» клублари қизиқиш билдирмоқда.