«RB Zalsburg» hujumchisi Noa Okafor Dortmundning «Borussiya» klubi nishoniga tushdi, deb xabar beradi Sport1.
Shveysariyalik yosh futbolchi joriy mavsumda Avstriya Bundesligasida «Zalsburg» safida 15 ta o‘yinda maydonga tushib, 7 ta gol urdi va 5 ta golli uzatmani amalga oshirdi.
Xabar qilinishicha, hujumchining narxi 25 million yevro atrofida bo‘ladi.
Okafor ham markaziy hujumchi, ham vinger sifatida o‘ynay oladi, bu esa uni ko‘p qirrali hujumkor futbolchi ekanligini bildiradi.
Qayd etilishicha, futbolchiga «Bayer», «Inter» va «RB Leypsig» klublari qiziqish bildirmoqda.
