Миланнинг "Интер" клубининг 34 ёшли чилилик ярим ҳимоячиси Артуро Видаль Бразилия чемпионати клубларидан бири, яъни футболчига жиддий қизиқиш билдираётган "Фламенго"га ўтиши мумкинлиги ҳақида гапирди.

“Менга “Фламенго” жуда ёқади, президент менга клуб футболкасини берганини қадрлайман. У ерда ўйнашни орзу қиламан, умид қиламанки, бу жуда тез орада содир бўлади. Раҳбарият ҳоҳласа, у ерга бориш учун қўлимдан келган барча ишни қиламан.

Менинг Европадаги фаолиятим якунланиш арафасида, ҳозир тўғри вақтми ёки йўқлигини билмайман, лекин бу содир бўладиган бўлса, кейинги мақсадим "Фламенго" сафида ғалаба қозониш бўлади. Жамоа рақобатбардош, у Жанубий Американинг энг яхшиси”, — дея Видалнинг сўзларини келтиради Football Italia.