"Сент-Луис Сити" Дортмунднинг "Боруссия" клуби дарвозабони Роман Бюрки билан дастлабки музокараларни ўтказди, деб хабар беради Transfermarkt.
Шартнома якунланишига яқин, лекин ҳали тўлиқ тугалланмаган.
Манбага кўра, 31 ёшли швейцариялик футболчи "Бавария", "Астон Вилла", "Галатасарой", "Валенсия" ва Италия клублари билан ҳам музокаралар олиб борган, бироқ якунда MLS клуби вариантини танлаган.
Бюркининг дортмундликлар билан амалдаги шартномаси 2023 йилгача мўлжалланган. Бу мавсумда у жамоанинг учинчи дарвозабони бўлгани учун ҳали майдонга тушмади.
Эслатиб ўтамиз, "Сент-Луис Сити" MLS'да 2023 йилдан бошлаб ўйнайди.
