"Насаф" бош мураббийи Рўзиқул Бердиев "Банияс" устидан қозонилган ғалабадан сўнг (2:0) ўз фикрлари билан ўртоқлашди.
"Мамлакатимизда чемпионат ўйинлари энди старт олганига қарамай, бу ўйинга узоқ тайёргарлик кўрган эдик. Рақибни чуқур ўрганиб чиққанимиз фойда берди. Оғир ўйинда, қийин рақиб устидан муҳим ғалабага эришдик. Барча мухлисларимизни ғалаба билан табриклаймиз. Натижадан ҳаммамиз хурсандмиз.
Бугунги ўйиндаги ғалабамиз омад эмас. Биз учрашув давомида улардан тартиблироқ, анча кучлироқ ҳаракат қилдик", - деди Бердиев.
