«Барселона» «Милан» футболчиси Франк Кессье билан шартнома борасида келишиб олди, дея хабар беради журналист Николо Скира.
Манбага кўра, 25 ёшли ивуарлик Каталония клуби билан 2027 йилгача шартнома имзолайди ва йилига 8 миллион евро маош (6,5 миллион маош ва 1,5 миллион бонус) олади. Шунингдек, ўйинчи жамоага қўшилганлиги учун мустаҳкам бонус тўловини олади.
2021/22 йилги мавсумда Кессье «Милан» сафида 29 та ўйинда майдонга тушиб, 6 та гол ва 1 та голли узатмани амалга оширган. Ярим ҳимоячининг Италия клуби билан шартномаси 2022 йилнинг июнь ойи охиригача амал қилади.
