"ПСЖ" ҳужумчиси Килиан Мбаппе Лига—1 мусобақасида феврал ойининг энг яхши футболчиси деб топилди.

Ўтган ойда ҳужумчи 4 та ўйинда майдонга тушиб, 4 та гол урди ва 1 та голли узатмани амалга оширди. У август ойида ҳам худди шундай мукофотни қўлга киритган эди. Умуман олганда, ҳужумчи Франция олий дивизионидаги фаолияти давомида етти марта ушбу унвонга сазовор бўлган.

Жорий мавсумда Мбаппе Лига—1да 25 учрашувда 15 та гол урди ва 10 та голли узатмани амалга оширди.

Сўнгги пайтларда ҳужумчи "Реал"га ўтиши мумкинлиги ҳақида хабарлар пайдо бўлганди, бироқ ҳозирча бу ҳақда расман тасдиқланмаган.