"Euro Club Index" веб-сайти Европа конференциялар лигаси чорак финал босқичига қуръа ташлангач, мусобақа ғолиблиги учун асосий даъвогар клубнинг номини эълон қилди.

Сайт тахминича, турнирда ғолиб чиқиш учун имконияти энг юқори клуб — «Лестер». "Тулкилар"нинг имконияти 22,7 фоизга баҳоланди. Бу борада "Рома"нинг имконияти 19,8% дея чамаланган бўлса, Нидерландиянинг "ПСВ" клуби 17,3% билан кучли учликка кирди.

Эслатиб ўтамиз, Конференциялар лигаси чорак финалида қуйидаги жамоалар ўзаро тўқнаш келишади: «Фейеноорд» — «Славия», «Буде-Глимт» — «Рома», «Марсель» — ПАОК, «Лестер» — ПСВ.

Жамоаларнинг мусобақада ғолиб чиқиш учун имконияти:

«Лестер» — 22,7%
«Рома» — 19,8%
ПСВ — 17,3%
«Марсель» — 12,2%
«Славия» — 10,4%
«Фейеноорд» — 9,2%
ПАОК — 4,6%
«Буде/Глимт» — 3,8%.