Пирс Морган Микель Артетани Пьер-Эмерик Обамеянгни «Барселона»га қўйиб юборгани учун танқид қилди.

Габонлик ҳужумчи «Арсенал» билан шартномасини бекор қилгандан сўнг қишки трансфер ойнасида «Арсенал»дан Каталония клубига ўтган эди.

У «канонирлар»нинг сўнгги ўйинларида бош мураббий билан можаро туфайли иштирок этмади. Форвард Ла Лига доирасидаги «Реал»га қарши ўйинда (4:0) дубл қайд этди.

«Обамеянгнинг яна бир ажойиб голи – бу сафар «класико»да. У «Барса»га ўтгандан бери энг кучли гол уриш машинасига айланди.

У ҳар бир гол урганида, Артета афсусланаётган бўлса ажаб эмас. Эркин агент! Бу шармандалик.

У «Арсенал»даги ишини якунлагани йўқ, у шунчаки кичик директорга ўхшаб ҳаракат қилади ва омма олдида бунинг учун таҳқирланиши керак. «Арсенал» мухлислари клубни Аубасиз яхшироқ деб ўйлашса, адашишади», — дейди Морган.