"Челси" ҳимоячиси Сезар Аспиликуэта "Барселона"га ўтиши мумкинлиги ҳақидаги саволга жавоб беришдан бош тортди.
"Ҳозир келажагим ҳақида гапирадиган вақт эмас", - дея футболчининг сўзларидан иқтибос келтиради журналист Фабрицио Романо.
32 ёшли испанияликнинг "кўклар" билан шартномаси ёзда тугайди. У клубнинг шартномани узайтириш бўйича таклифларини рад этиб келмоқда.
Испания матбуоти хабарига кўра, Каталония клуби аллақачон Аспиликуэтани текинга ўз сафига қўшиб олиш бўйича келишиб олган.
Goal.com хабарига кўра, 32 ёшли ҳимоячи ва "Челси" ўртасидаги ёзда тугайдиган келишувда ҳамкорликни яна бир мавсумга узайтириш варианти мавжуд. Унинг учун ҳимоячи маълум миқдордаги ўйинларда майдонга тушиши керак.
