Evening Standard нашри хабарига кўра, «Вест Хэм» «Лилль» марказий ҳимоячиси Свен Ботманга қизиқиш билдирмоқда.
«Болғачилар» бош мураббийи Дэвид Мойес яқинда клуб раҳбарияти билан жамоанинг ёзги трансфер ойнаси учун режалари ҳақида суҳбатлашди ва Ботман трансфери ҳам тилга олинди.
22 ёшли голландиялик футболчига «Ньюкасл» ва «Милан» ҳам даъвогарлик қилмоқда.
Ботман ёзги трансфер ойнасида француз жамоасини тарк этиши кутилмоқда.
Ботман жорий мавсум Лига-1да 21 та ўйинда майдонга тушиб, 3 та гол ва 1 та голли узатмани амалга оширди. Ҳимоячининг француз клуби билан шартномаси 2025 йилнинг 30 июнига қадар амал қилади.
