Ҳужумчи Пауло Дибала шу ёзда «Ювентус»дан «Интер»га ўтиши мумкин, чунки унинг туринликлар билан шартномаси якунланади. Аммо «кекса синьора» аргентиналик билан янги шартнома имзолашда муаммога дуч келмоқда. Таъкидланишича, Дибала А серияда қолишни хоҳлайди. Шу сабаб «Атлетико» Паулони қўлга киритиш фикридан воз кечиб, бошқа аргентиналик футболчи билан шартнома имзолаш устида ишламоқда. La Repubblica газетасининг таъкидлашича, Ла Лиганинг амалдаги чемпиони «нерадзуррилар» ҳужумчиси Лаутаро Мартинесни сотиб олиш устида ишламоқда.
Аргентиналик мутахассис Диего Симеоне ўз ҳамюртига «Сан-Сиро» эгаларидан кўра фойдали шартнома таклиф қилишга тайёр. Қолаверса, ҳозирда «матрасчилар» «Ванда Метрополитано» эгалари ҳужумчи борасида муаммога дуч келмоқда ва айнан Мартинес уларнинг талабларига жавоб берадиган футболчи сифатида кўрмоқда.
