«Милан» ҳужумчиси Златан Ибрагимович фаолиятини якунлаши мумкинлиги ҳақидаги саволга жавоб берди.

«Ҳақиқат шуки, мен ўзимдан яхшироқ футболчини кўрмагунимча ўйнайман. Шунинг учун ҳам мен ҳали ўйнайман», - дея Ибрагимовичнинг сўзларини келтиради ESPN.

Швециялик ва Милан клуби ўртасидаги амалдаги келишув жорий мавсум охиригача амал қилади. Футболчининг амалдаги шартномаси бўйича маоши йилига 7 миллион еврони ташкил қилади.

2021/22 йилги мавсумда Ибрагимович «Милан» сафида 22 та ўйинда майдонга тушиб, 8 та гол ва 2 та голли узатмани амалга оширди.

Аввалроқ, клуб 40 ёшли шведга бир йилга янги шартнома ва директор лавозимига таклиф қилиши мумкинлиги хабар қилинганди.