"Манчестер Юнайтед" расмийлари ёзда "Лацио" ярим ҳимоячиси Сергей Милинкович-Савичнинг трансферини амалга оширишга жиддий киришишди, дея хабар беради Manchester Evening.
Ўтган ёзда инглизлар серб билан шартнома имзолашга ҳаракат қилишди, аммо музокаралар охиригача етмай қолди. "Лацио" хўжайини трансфер учун 100 миллион евродан кўпроқ талаб қилгани бунга сабаб бўлди.
Италия матбуоти хабарига кўра, 27 ёшли ярим ҳимоячига Миланнинг "Интер" клуби ҳам қизиқиш билдирмоқда. Ҳозирда “Лацио” футболчи учун 80 миллион евро талаб қилмоқда.
Маълумот ўрнида, Милинкович-Савичнинг Рим клуби билан шартномаси 2024 йилнинг ёзига қадар мўлжалланган.
