"Аталанта" ҳужумчи Луис Муриэль билан янги шартнома борасида келиша олмаяпти. Айни дамда музокаралар тўхтатилган, дея хабар берди журналист Николо Скира.
Агар томонлар келишувга эриша олмаса, ёзда 30 ёшли колумбиялик жамоани тарк этиши мумкин. Унинг "Аталанта" билан шартномаси 2023 йилда тугайди ва Бергамо клуби футболчини текинга йўқотмаслик учун уни сотишга ҳаракат қилади.
Transfermarkt портали футболчининг нархини 22 миллион еврога баҳоламоқда.
Жорий мавсумда Муриэль барча турнирларда 29 та ўйинда майдонга тушиб, 8 та гол урди ва 6 та голли узатмани амалга оширди.
