"Манчестер Юнайтед"нинг аёллар жамоаси ўз тарихида иккинчи марта "Олд Траффорд"да ўйнади ва мухлисларнинг ташриф бўйича рекорд ўрнатди.
"Манчестер Юнайтед" аёллар жамоаси “Эвертон” қизларини 3:1 ҳисобида ишончли тарзда мағлуб этишди. Учрашувни 20241 нафар томошабин томоша қилди ва бу “қизил иблислар” тарихидаги рекорд кўрсаткич ҳисобланади.
Айтиш жоизки, бу ҳам жорий мавсумда аёллар ўртасидаги Англия чемпионатидаги энг яхши натижа ҳисобланади.
Эслатиб ўтамиз, "Манчестер Юнайтед" футболчилари айни дамда Аёллар Суперлигасида учинчи поғонани эгаллаб туришибди.
