«O’zbekiston temir yo’llari» ДАТК томонидан пойтахтимиздаги ТТЗ-1 мавзесида «Локомотив» спорт мажмуаси барпо этилганидан мухлисларнинг хабари бор. Ушбу мажмуа стадионида «Локомотив» футбол клуби миллий чемпионат ва мамлакат кубоги ўйинларида ўз рақибларини қабул қилиши кўзда тутилган. Шу муносабат билан кеча «Локомотив» спорт мажмуасини кўздан кечириш учун Ўзбекистон Профессионал футбол лигаси ҳамда Ўзбекистон миллий телерадиокомпанияси «Sport» телерадиоканалининг ижодий ва техник ходимлари ташриф буюришди.
ПФЛ раҳбари Фарҳод Магометов ҳамда Ҳакамлар ва назоратчи ҳакамлар қўмитаси бошлиғи Ноил Лутфулинларда «Локомотив» спорт мажмуаси илиқ таассурот қолдирди. Шунингдек, ТВ ходимлари ҳам стадионга ижобий баҳо беришди ва келгусида ушбу мажмуада бемалол халқаро ўйинларни ўтказиш мумкинлигини эътироф этишди.
Эътиборингизга, янги барпо этилган «Локомотив» спорт мажмуасида туширилган фотосуратларни тақдим этамиз!
