Мюнхеннинг «Бавария» клуби ярим ҳимоячиси Корентин Толиссо мавсум якунида эркин агентга айланиши мумкин.
Sport Bild хабарига кўра, Толиссонинг «Бавария» билан шартномаси 3 ойдан кейин тугайди ва клуб раҳбарлари янги шартнома бўйича футболчининг молиявий талабларини қондиришга тайёр эмас.
Маълумки, 27 ёшли ярим ҳимоячига Англиянинг «Ливерпуль» ва Мадриднинг «Реал» клублари қизиқиш билдиришган. Шунингдек, Франция "Лион" жамоасига ҳам қайтиш имконияти бор.
Франциялик футболчи жорий мавсум «Бавария» сафида барча турнирлар доирасида 20 та ўйинда майдонга тушиб, 3 та гол ва 3 та голли узатмага муаллифлик қилган.