Бугун бўлиб ўтган ПФЛ-2012 6-тури доирасидан ўрин олган "Машъал-"Насаф" учрашуви (0:0) дан сўнг "Машъал" устози шогирдлари ҳаракатларидан қониқиш ҳосил қилганлигини билдирди.

— Биз учрашувга жуда жиддий тайёргарлик кургандик, — дея гап бошлади "Машъал" бош мураббийи. — Ўйин жуда қийин кечди. Рақиб умуман бизга ҳужум қилиш имконини   бермади. "Насаф"га қарши фақат  ҳимояланишга мажбур бўлдик.  Умуман олганда шогирдларим ҳаракатидан қониқдим. Биз бугун бутун  учрашув  давомида фақат бир бор гол уриш имкониятига эга бўлгандик. Петкович агарда бўш қолган дарвозага тўп кирита олганида, балки ғалабага эришишимиз ҳам мумкин эди. Умуман, ҳисоб адолатли бўлди, деб ўйлайман.

— Ўтган турдаги “Динамо” билан кечган баҳс билан солиштирганда, бугунги учрашув нимаси билан фарқ қилди?
— Бугун учрашувни ҳакамлар адолатли бошқаришди. Асосий фарқ шу.

— Учрашувнинг энг яхши футболчиси ким бўлди?
— Фозил Мусаев бугунги учрашувни анча фаол ўтказди.