Махачқалъанинг "Анжи" клуби директори, бразилиялик футбол юлдузи Роберто Карлос ўзинингн хайрлашув учрашуви қандай бўлиши ҳақида гапириб берди.
"Ҳозир у қандай ўтишини тасаввур қилаяпман. Сулаймон (Керимовни назарда тутяпти – таҳ.) билан бу ҳақда гаплашиб олмоқчиман — баъзи ўйлаб қўйган нарсаларим бор. Лекин аниқ биламанки, "Анжи" "Реал" бимлан ўйнайди. Икки вариант бор: ё фақат Махачқалъада битта ўйин, ёки ҳам бу ерда, ҳам Мадридда ўтадиган икки ўйин".
Гап у билан бирга тўп сурган Зидан, Бэкҳэм, Рауль, Фигулар ўйнаган "Реал" ҳақида кетяптими ёки Роналду, Ўзил, ва Бенземалар ўйнаётган ҳозиргиси хусусидаги саволга Роберто Карлос шундай жавоб берди:
"Замонвий "Реал" ҳақида. Учрашувни, амаллай олсак, шу йилнинг ўзидаёқ ўтказамиз. Агар имкон тополмасак – келгуси йук", - деган у "Спорт-Экспресс" нашрига.
