Бильбаонинг "Атлетик" клуби ҳужумчиси Фернандо Льоренте Лиссабоннинг "Спортинг" клубига қарши кечган Европа Лигаси ярим финал жавоб учрашувидан сўнг, ўз жамоаси жуда муҳим ғалабага эришганини таъкидлади.
Басклар жавоб учрашувида 3:1 ҳисобида ғалаба қозонишди. Льоренте аввал икки голга ассистентлик қилган бўлса, 88-дақиқада ғалаба тўпини киритди.
"Жамоамиз тарихий ғалабага эришди. Айниқса бизни қизғин қўллаб-қувватлаган мухлисларимизни алоҳида эътироф этмоғимиз лозим. Майдонда ўйин ичидан туриб уларнинг қўллаб-қувватлашларини кузатиш жуда мароқли. Менинг рақиб дарвозасига киритган голимга келсак, бу карьерамдаги энг муҳим гол бўлиб қолди. Финал учрашувида ҳам ғалаба қозонишни яратгандан сўраймиз", — деди Льоренте.