Ярим ҳимоячи Родриго Де Пауль ёзда “Атлетико”ни тарк этиши мумкин. “Матрасчилар” бош мураббийи Диего Симеоне футболчининг жорий мавсумдаги ўйинидан норози.
Sport нашрининг маълум қилишича, 27 ёшли аргентиналик футболчи Италияга қайтиши мумкин. Унга "Ювентус" ва "Фиорентина" даъвогарлик қилмоқда.
Эслатиб ўтамиз, Де Пауль 2021 йилнинг июлида "Удинезе"дан "Атлетико"га ўтган эди. Испания клуби футболчи учун деярли 40 миллион евро тўлаган.
Унинг Мадридликлар билан шартномаси 2026 йилнинг ёзига қадар мўлжалланган.
Родриго жорий мавсумда барча турнирларда 38 та ўйинда майдонга тушиб, 2 та гол урди ва яна шунча голли узатмани амалга оширди.
