Польша терма жамоасининг собиқ бош мураббийи Антони Пехничек Жаҳон чемпионати финал босқичига ташланган қуръа ҳақида фикр билдирди.
"Ростини айтсам, Месси бир неча йил олдингидек эмас. 2022 йилги ЖЧда Аргентина терма жамоасида қандай роль ўйнаши маълум эмас. Унинг ҳозирги савиясидан келиб чиқиб, захира ўриндиғига қўйилиши ҳам мумкин. У Швеция терма жамоаси ўйинларида сўнгги 15-20 дақиқага майдонга тушириладиган Златан Ибраҳимовичнинг ролини ўйнай олади. Лекин барибир у катта турнир ўтказиши мумкин. Ҳар доим кутилмаган ҳодисалар учун жой бор», - деди Пехничек Marca нашри билан суҳбатда.
«С» гуруҳидан Аргентина ва Полшадан ташқари Саудия Арабистони ҳамда Мексика терма жамоалари жой олган.
