«Рома» ҳужумчиси Тэмми Абрахам «Челси»га қайтиши мумкинлиги ҳақидаги миш-мишларга изоҳ берди.
Эслатиб ўтамиз, футболчи Лондон клуби тарбияланувчиси бўлиб, 2021 йилнинг ёзига қадар «кўклар» сафида тўп сурган.
“Ҳозир ҳаммаси жойида. Ким билади, балки келажакда шундай бўлар. Албатта, мен Англияда ўсганман, мен лондонлик йигитман. Бир кун келиб у ерга қайтиб, ном қозонишим мумкин», - деди Тэмми Talk Sport билан суҳбатда.
Эслатиб ўтамиз, Абрахам «Рома»га 2021 йилнинг ёзида Лондоннинг «Челси» жамоасидан 40 миллион евро эвазига ўтган эди. "Кўклар" ўз футболчисини 80 миллион еврога қайта сотиб олиш ҳуқуқини сақлаб қолган.
